琴日收到好多投訴包括錯別字啦 唔知噏乜等等 但係試問呢個世界有乜嘢浪漫得過 中午開始飲酒 然後可以帶點 酒意看日落呢 所以今日又繼續 其實我唔係好鍾意肉麻嘢 但係對於物慾 一啲都唔抗拒 呢兩日喺facebook見到有一篇文章畀好多人分享過 係關於一個車主 收藏咗幾部 evo4代
小弟當然唔識得改車喇 但都有兩部 很喜歡的車 一部是掃把佬11代半 另一部是 充滿激情的Suzuki every 掃把佬對於我嚟講係穩定 快 主要用作家庭車 Suzuki 就純粹係自己喜歡 駕駛感覺良好 玩的是生活態度 成日都會好想改裝下 所以我會跟啲師兄交流下 結論得出就係 其實改一部車 在香港 改得多快其實唔係重點 操控感 外觀 感官刺激 呢啲個人化嘅改裝先係最緊要 一部車唔改你可以享受玩原裝 但係越改你會越愛上部車 因為那部車是跟隨你的想法去發展的 你想啲聲正啲 條尾走啲 外觀獨特啲 只要部車冇投訴 你都可以去馬 我見好多師兄 直情好似同步車談戀愛一樣 其實可以改嘅又點知部車呢 我最喜歡是玩相機 重配件外觀 到使用態度 都會令你覺得 啲相靚唔靚唔緊要 帶一部自己喜愛的相機去影相 本身已經係莫大嘅享受
香港生活環境其實好侷促 氾濫嘅資訊都令到好多人搵唔到自己喜愛嘅嘢 我有幸喺運動嘅行業裏面 尋找一下 身體嘅改裝 唔係講緊整容或者隆胸嗰啲 正如改車 唔一定係好浮誇嘅改動 你能夠令佢更加迎合你生活裏面嘅要求 令到你每一刻使用自己身體嘅時候 都有一份儀式感 其實已經唔簡單 有錢嘅人改車 可能係隨便踢被車房 等人哋去改 叫做改咗唔失禮就ok 但係滿足感又點會及得上 自己親手去改呢 從經歷到了解 到知識上嘅明白 到實踐交流 到用唔同嘅方法去提升自己 道經歷結果之後 發現過程嘅 不完美 再作出修改 再度諗法嘅提升 甚至乎延伸到生活態度嘅改變 做得好嘅話影響埋其他人 抽返出嚟講一句 我都係畀人影響先買掃把佬啲 你對自己嘅要求有幾多呢 好多修行都有身體出發 因為容易明白同埋比較客觀
我哋自己開工作室嘅 同好多開車房嘅人一樣 接觸到嘅客人 有啲對自己好有要求 有啲將個波交畀我哋 其實我比較鍾意前者 因為呢一班人可以行得更遠 就好似改車一樣 從改造自己身體 客製化 迎合需要 到改善外觀 只要你有投放心機 情感必然更加豐富 香港嘅生活環境可能好有局限 但你突破到框架嘅話 內心是無限的 以前讀工程好著重sustainability 現在做教練亦都一樣 分別在於 你有心學 高度是不受限制的 更不應受制於我的高度 你冇心做 無論我能力多少 做的都有限 當然 這只是故事的一半 淨返嗰半 有酒飲先講埋落去啦 運動其實不是單一個解決問題的方案 更加係一種生活態度 或者一個修行嘅起點 有機會飲酒再講
