第十七回 - 普拉提應如何練習呢?

processed_LRM_EXPORT_33703725485415_20191018_202204222.jpeg

普拉提是什麼, 相信網上有很多資料; 普拉提有什麼動作呢? 網上亦有很多教學的短片可以參考; 那麼普拉提示如何練習呢? 先賣一個關子。 很多人運動以肌肉訓練為出發點, 普拉提的訓練動作 可以作為一種核心肌肉訓練的參考; 以關節穩定性為訓練目的, 你也可以在很多訓練的平台找到和他近似的味道; 談到核心訓練, 很多人都將普拉提視為一種核心嘅訓練方法。 究竟普拉提這個名字背後代表了什麼, 你的答案就決定了你訓練的高度和成效。

那麼我們又嘗試一下 從我們的教學經驗 分享一些觀點, 跟大家交流一下。

普拉提的出發點就是治療, 最起碼當年 普拉提先生 是出於這一個目的 而開始這一套訓練的, 但他的修煉過程 並不止於 治療; 與其說是治療, 不如嘗試演繹為 復建身體的活動能力: 從我們城市人日常的生活習慣可以決定,或多或少身體一定存在問題的, 因為你每天的身體習慣,並沒有平均讓身體每一個部件都一同運作。 長時間嘅 固定嘅姿勢 令身體所產生嘅僵硬; 或者長時間嘅活動 令身體所產生嘅疲勞, 都會令身體 積聚一啲 不良嘅習慣性, 日積月累 就會變成問題。 要解決呢啲問題嘅重點在於, 你能否定時 把身體reset, 清洗這一些積累的壞習。 普拉提的訓練有別於肌肉訓練 或是伸展訓練的原則。 肌肉訓練或者伸展訓練當中, 不同的訓練動作目的指向不同的肌肉關節; 但是在普拉提的訓練原則下, 任何的訓練動作或是輔助工具, 目的都是指向同一個方向, 就是把脊椎內的能量有效地流向四肢, 從而帶動身體活動。 這就是以核心能帶動運動的重要原則。 有別於很多人活動的習慣。 簡單舉例: 當你手執一件物件, 大部分人最先發動的一定是手部的肌肉,因為 接近着力點; 但是普拉提的話, 就是要改變你的發力原則, 因為當你要發力連接全身的時候, 不會先從手部開始。

說到這裏你可能開始思考, 若然我的著力點在手部, 但發力點又不放在手, 對你有何意義呢? 若然你有這個想法, 你就開始接近 訓練的目的了! 普拉提是一種很純粹的訓練方法, 沒有訓練目的, 你其實浪費了很多練習的時間; 說得淺白一點, 普拉提是要你學習一種有別於你習慣的發力方式。 所以與其說是練習, 從無到有的過程, 不如說是學習, 一種把你的神經系統與四肢活動進一步連結的過程; 就像是踩單車的平衡感, 學游水的浮力, 都是從沒有到有的體驗。

processed_LRM_EXPORT_33286031236929_20191018_201347320.jpeg

第十六回 - 結構與力學

GOPR2018.JPG

相信香港人對於高樓大廈一啲都唔陌生; 大部分高樓大廈都是用鋼筋加上水泥, 作為主要支撐結構. 究竟這類結構有什麼優勢呢? 高樓大廈結構所承受的力量, 不單止設計所能承擔的承重力, 或是地心吸力, 更加有外來變化萬千的風力, 甚至乎地震的震動力, 用單一的材料作為支架, 很難承受不同種類的力量。

以鋼筋加上水泥的結構, 就是考慮到這些因素: 水泥的抗壓力很強, 但是抗拉力就一般; 鋼筋抗拉力很強, 但是抗壓力就一般 ( 你可以想像一塊水泥磚, 你很難把他壓碎, 但係側面來的力量, 可以把它拆斷; 一條鐵支, 你可以把它壓彎,  但卻很難把他拉斷) 抗壓能力和抗拉能力, 以適合的比例, 結合在一起. 就能發揮很強的作用, 不單能夠承載重物, 超強颱風亦能承擔。

身體亦有這一種復合結構, 骨骼的 alignment 做得好, 就如水泥一樣, 輕鬆承載身體重量. 骨頭與骨頭之間 因為靠tendon 連接, 很難發揮 承受拉力的作用.   這個時候肌肉的力量 就像鋼筋一樣彌補這個不足. 這是一個粗略的比對, 因為建築物是不會動的, 但是我們身體的運動能力很強, 我們還有更精密的結構. 畢竟是神所設計的! 關節囊就像 可調控壓力的油壓泵; 肌肉拉力的變化, 當然鋼筋是不可比擬, 因為我們還有精密的神經系統, 中央電腦控制, 全天候監控壓力的調節.

PILATES 就是一套好的 調教程式, 就像法拉利團隊為汽車性能編制的 電腦程式; 不單止能夠測試並調教汽車性能, 更能夠大大提高輸出能力.  

單一肌肉訓練 就像提升車架剛性, 車架變得太硬淨. 有時候反而影響操控; 若然只做一些伸展運動來平衡僵硬的肌肉, 就有少少似將避震校軟, 表面上好似提升舒適度, 實質減慢了操控的反應. 要把身體調節到有效的sport mode, 甚至乎track mode 小小的改變, 需要大大的努力. 對於上班一族 分別未必明顯; 對於運動員的持續表現 以及運動員生涯的年數, 就是天大的分別了!

第15回 - 何為好的治療效果

img367.jpg

今天同大家分享激光脫毛, 早於七八年前, 曾經有一段時間本人非常沉醉於脫毛. 當其時幫其中一間有名的激光廠做銷售 和售後培訓工作. 在眾多美容激光儀器當中, 我最喜歡的是一部舊款的Nd-YAG脫毛機; 因為設計簡單, 沒有多餘的功能, 所以使用者可以有很高程度的控制性 ( 後繼的型號多了很多配件和program, 方便美容院使用, 主要原因係跟住做唔會出問題, 其實對於操控性是多餘的, 就好似揸棍波同自動波嘅分別)

當時為咗去診所或者美容院做培訓時 能夠展現最好的脫毛效果, 我告訴身邊的朋友, 任何人只要 有興趣或者去過美容院或者找醫生做脫毛不滿意的, 都可以來找我補救. 在這樣的環境下, 我練習出 引以為傲的脫毛技.

出去做培訓嘅時候, 若然學習的對象主要是美容技師, 所以教授他們的方法必需要 規範化; 避免出現問題, 這就是所謂 “職業” 的做法; 但面對醫生們做示範就不同了, 要從各方面分析, 確保效果做到最好, 這就是”專業”的做法. 你可能會問,脫毛嘅效果點為之最好呢? 我可以回答你, 在最接近打傷的邊緣 而沒有令到皮膚灼傷, 就是我對自己要求做得出最好的效果. 

早排我太太去脫毛, 選擇了一間算係有名氣的, 價錢亦是中上的美容中心, 入到去放低咗20000蚊, 買了七次療程; 同佢負責嘅脫毛技師溝通了一下, 雖然佢表現得好有自信, 而我亦都相信佢有好多成功嘅個案. 但係我肯定佢最多算係 職業嘅級數… … 四次脫毛後嘅效果 認證了我呢番說話. 好多時佢哋脫毛見到 出現了反應, 就完成了事; 我可以講: 就算脫毛有效果, 亦只可算是高概率的巧合! 三次能夠完成的事, 用十次來完成. 難道可以稱得上專業嗎? 

我想同大家分享一下我嘅經驗, 雖然可能未必有人聽得明… 其實脫比堅尼或者腋下的毛髮, 是有竅門的. 呢一啲毛髮有一個特性: 就係除咗生得深之外, 是打斜生的; 而且粗幼度有很大的落差, 所以同一次治療, 不能只打一次. 如果有經驗的, 用聽覺, 視覺, 和觸控去判斷(用聽的確是有必要的) 用不同度數, 重複打, 兩到三回合. 雖然時間較長, 但係一次療程遠比出面做三四次好; 而且因為人嘅新陳代謝唔同, 療程相隔時間根本沒有標準, 每一個客戶都是不同的 相隔時間拿捏得準 亦是脫毛的關鍵! 還有的是, 整個脫毛療程 時間不能拖得太久! 呢三點就是關鍵! 所以我說和脫毛師溝通過之後, 基本上已經可以肯定, 佢雖然比業餘嘅好, 但係最多只能夠係職業嘅級數, 專業都談不上!

這個脫毛的概念 用於運動矯治上面, 有異曲同工之妙. 當你想強化身體細小的肌肉, 令到整體發力更加平均為訓練目標; 重點在於 不令肌肉出現局部 繃緊與僵硬的情況之下, 把肌肉的能力用盡; 講出嚟相當容易, 但背後的經驗和技巧, 其實需要時間累積; 因為每一個人身體呈現嘅狀態都不同. 所以要達到目的, 有時候 諗法比做法更加重要!

img405.jpg

第14回 - 運動概念的 +-×÷

而家嘅人越來越重視運動,究竟運動是一個怎樣的概念呢? 感覺現代的都市人 都十分明白缺乏運動 某程度上會帶來 健康上的問題 很多人都開始在自己工餘的時間內 安排多一點運動的時間 但是對於運動 的規劃 你有仔細研究過嗎? 香港人可以接觸到的運動種類 可謂相當之多元化 好多人選擇自己運動習慣嘅時候 都會有唔同嘅諗法 有啲運動就刺激啲 有啲呢就 比較富有挑戰性或者競爭性 亦都有一啲出於聯誼嘅性質 當然佢哋全部 本質上都是對身體有益的 但係作為一個朝九晚五 長坐辦公室嘅 打工仔嚟講 若然你希望重運動裏面 帶來身體 質素嘅提升 避免發生 受傷嘅情況 甚至乎希望處理身體上面 的新傷舊患 你對於選擇適合自己嘅運動 模式 就必須要更加嚴謹

今日我哋 又分享 一下 +-×÷ 是一個什麼概念呢 ? 

 +

健康嘅身體 係每一天累積帶來嘅成果 並沒有捷徑可言 如果你希望身體 喺未來嘅 數十年裏面 都能夠維持住一個良好嘅狀態 必須要以每一天累積嘅概念 來到積存 好嘅能量 呢個就係中國人練內功 或者鬼佬所講段練核心  嘅概念 一星期一日 劇烈運動 不可能比得上每天15分鐘 持之以恆的運動成果

 

好多時運動帶來嘅傷患 或者係每日重複性嘅工作模式 帶嚟嘅勞損狀況 其實都係身體 不同部位 不平均受力 日積月累 帶嚟嘅問題 好多人聽到 勞損 或者退化呢啲字眼 就感覺 治療嘅過程一定好漫長 其實只要令到身體 各部分嘅運動 能力變得平均 呢一啲損傷自然不治而愈 要令到身體各部分 平均 訓練 模式 的概念不是加法 而是減法 我哋成日話放鬆 發力 就是這一個概念 把多餘的壓力釋放 就能令到關節發力更加平均 讓更多關節參與運動當中 壓力點得到釋放 長期處於勞損狀態的 的關節 自然就能夠得到放鬆

 

× 

  承接 減法 的訓練模式 關節勞損嘅狀態得意消除 你會發現 當越多關節參與喺運動當中 你所能發出的力量 就能夠倍增 這就是 能量嘅加乘 舉一個例子說 一個 在健身房中 以肌肉嘅強度 為訓練目標嘅人 同一個 以發力平均 為目標 訓練嘅人 假若兩個人體重差 不是很大的分別 在沒有任何借力的支點 例如定步推手 的比試下 後者 很大機會會有優勢 因為整體能夠輸出的力量一定比較大; 情況就好似兩個 工作團隊 一個有 個別 很強的隊員 另一個 沒有 特別強的隊員 但有很高的合作性 後者出嚟的成績 好大機會比較好 一樣 呢一個就係 平均性的重要 而運動就好比 身體各部分 的 team building

 

÷ 

除嘅法則 其實同成嘅法則係一樣   不過就係從受力觀點出發 所參與受力嘅關節越多 每一個關節所承受嘅力量就越少 身體就能夠承受更大嘅壓力

運動員嘅訓練 如此 面對日常生活中 工作模式所帶來嘅 身體壓力 亦如此 只要能夠得其法 問題必定能夠解決 能夠跑到最尾先算贏

第十二回 - 什麼是Pilates普拉提

上星期有一位學生 提出了一個問題: 他公司現在有Pilates普拉提課程提供給員工, 所以他就開始每星期一在公司練習Pilates. 佢同我講 導師第一堂問有冇人喺出面有 練習Pilates 他說有呀 就在POB, 然後那位導師就問 你出面練習的是哪一派的Pilates呢?

於是他就回來問我 Pilates是有分派的嗎  ?

呢個問題其實好普遍 因為喺唔同場合我都聽過有人提出呢個問題 。 那麼究竟 普拉提有派別之分嗎 ? 

於是我問嗰一位學生點答 佢就回答 :“都係練下機 練下蓆 互動一下咁啦。”

其實我認為咁嘅回答已經係非常之好了

PILATES 只不過係一個人名 由他開始建立一些 福復健身體活動能力 的訓練principle 用了他的名字來命名 這就是pilates.  

從他的發展歷史看來 最初期 的 studio是由一班舞者   開始訓練 自不然就有一種 強烈的節奏感 同埋一啲比較 美麗 的活動角度 在國外 或者香港一啲比較主流 嘅pilates institude 都會有一啲 退役嘅 舞蹈表演者 轉為教導pilates 所以你會發現好多網上嘅教學短片 同埋 好多group class 都會保留著呢一種味道

慢慢普拉提開始普及化 同埋對分身體嘅復健 效果 開始得到大眾的認同 無論係運動治療師 物理治療師 或是一些復康中心 都開始 使用 普拉提的訓練模式 配合其他治療效果 pilates 某程度上就需要更多專業人士嘅認證 所以開始 發展 普拉提的團體 都會 邀請骨科醫生 或是一些專業物理治療師 坐board. 甚至加入 訂製 教練課程的核心內容 。 某程度上有了醫療制度的認同 就能夠變得更加專業 而西方的醫學制度 對於身體嘅創傷同埋活動能力 很大程度   是以解剖學為根基 因為能夠提供充分的數據 睇得到摸得到 實驗得到 就更加有說服力 出名的institude 例如balanced body, polestar, stott pilates 等等 教練課程都包含好多 人體結構嘅內容 甚至將pilates 的動作 以活動的部分 分類 呢一類背景嘅人士 係嘅教學過程 有很高的仔細度 例如盤骨的活動角度 舉一個例子 很多人都有腰痛的問題 所以佢哋嘅 運動方向 很強調腹部發力 牽引盆骨後傾 達至腰間擠壓位置 能夠得到 伸展 強化 達致 舒緩腰椎所承受嘅壓力 解決痛症問題

練習的人會發現 不止痛正解決了 甚至乎腹部的訓練 令到肌肉線條都練出來 

慢慢地不只解決痛 連身體整體的肌肉強度 與及活動能力都得到提升 所以喜歡健身的 crossfit的 或者是一些circuit training 的團體課 都會引入很多 普拉提的訓練動作  

將啲動作 配合其他工具 例如 TRX, RedCord, 拉力橡筋帶, fitball, 等等等等 又是另一種味道

所以從教練的教學模式 你大概可以觀察到 佢所學習嘅過程 是從什麼老師教出來的   甚至乎他所教授的學生 是什麼類別的人。

例子還有很多  

言歸正傳 這就是 pilates 的派別嗎? 

我夠膽說 問得出這個問題的人 極其量是一個認識 pilates的人 並不是一個 懂得pilates的人.

普拉提可能有不同的工具 呢啲工具 只係輔助練習   當你能夠復建到身體嘅活動能力 必須要放棄這些練習工具 所以做完機 咪做下蓆( 當然不是一堂發生啦) 練到有啲功力 連動作也能放棄的 咪互動下囉。 我不敢說哪位學生做得很好 但係佢嘅回答方法 其實道出咗一個練習普拉提嘅態度。


 

 

第十一回 - 一念之差

IMG_0116.JPG

 

表面的進步在乎重複段練,裏面的進步在乎於一念之差;現今社會好着重於方法,或者一啲慣性嘅規則,往往令人忽略從自己嘅認知出發去探索,運動其實亦都一樣。有啲嘢係你學識左之後將會忘記你係如何學識的;例如你學踩單車嗰種平衡力,或者學游水學識浮哥一下;是沒有得直接教的,教練最多提醒你放鬆,唔好太驚跌,或者消除你對水嘅恐懼,等你身體嘅意識慢慢產生平衡或者浮嘅感覺;一旦你學識左你係唔會變返唔識的。呢個就係我所謂嘅一念之差,脊椎發力嘅感覺亦都一樣,如何令脊椎產生能量嘅流動節節相連,你需要嘅就係一念之差。呢一念之差並不是你一直幻想自己條脊椎用緊就係用緊,就好似你唔會幻想自己識浮,就真係識得一樣。練習脊椎嘅發力,話難唔難,話易唔易;學習游水或者踩單車,你會驚跌傷或者浸死,呢個就係佢嘅難度所在; 學習脊椎發力,你就唔會受傷,但係難度在於你要放開肌肉用力嘅感覺。Pilates 既要領在於逐步將肌肉嘅感覺放開,建立脊椎與弾弓交流嘅意識,在不知不覺間,能量就開始流動了。

 運動需要重複鍛鍊;上乘的修練,需要重複思考段練嘅目的與過程,從訓練嘅方法進入訓練嘅邏輯,從Pilates中揣摩Joseph Pilates 當初訓練的起點, 才能一步一步接合Pilates 訓練所要達到的目的.

 

IMG_0377.JPG

第十回 - 身體之二元對立

 

IMG_0182.JPG

今天賣的関子是幻想題,對於好難將文字形象化嘅人嚟講可能會有啲困難,但係唔緊要,反正一向會睇我哋文章嘅人都唔多,入正題,你想像下將一立方米嘅水放入去海裏面 (你要幻想呢一立方米嘅水,放到入海裏面依然是一個1m x 1m x 1m 的四方體,雖然沒有野框住),大家都知道海水是不會靜止的,正常情況下,呢一立方米嘅水入到海中,必然跟着海水方向隨意流動;發揮想像力的時間到了,假如呢一個立方體嘅水要維持靜止不動呢? 立方體內水嘅分子,必須要剛好抵銷海水衝擊立方體的能量以維持靜止狀態,亦都即係話介面內外的能量,必須要一致但相反已維持平衡狀態。立方體內呢一種動中求靜的狀態,就是內動。身體就好比呢一立方米嘅水,站椿功所練習的,不是靜,而是內動;練習的目的是受力時能夠達致動態的平衡,力變而形不變!

俾個簡單一點的比喻 ,斜路停車,拉handbreak的是物理性的靜態平衡,吊極力子的是動態平衡;金屬鐡球抵受外力的是剛力,靠嘅係金屬嘅剛性,充氣皮球抵受外力的是柔力,靠嘅係氣體粒子受力膨脹再把所受嘅力化為橡膠表面嘅拉力!

 

其實要練好身體不單需要毅力更需要想像力,能夠透過意象,去產生發力的意識就是Pilates 講求的 Imagination! 要深入認識Pilates, 不妨多從思考的角度揣摩 表裏、剛柔、動靜、鬆緊 等等二元對立的平衡點。將會慢慢明白多一點Pilates的Isolation。

訓練不應該流於方法,正的力做不出錯的動作 。若然求形,不如求意。

 

以JOJO的奇妙冒險第八步的情節作結⋯⋯ 

“Lesson 5 :  最短的捷徑就是繞遠路,繞遠路就是我最短的捷徑。“

 

FullSizeRender.jpg
FullSizeRender.jpg

第九回 - 知足者常樂 不知足者常進步

489DFCC4-E98B-464B-844C-C814F535C361.JPG

俗語有雲:水能載舟, 亦能覆舟;載舟的,是水的物理特性;䨱舟的,是水的能量流動。 身體的訓練亦一樣,基本的體能訓練、肌肉負重訓練是一種身體物理性的強化,要產生能量的流動,必先從自己的感知開始。

今天想分享的是一個訓練過程的深化,系統化的教學模式,比較偏重於以理論和實例。往往讓學生學習一件事,但會出現一個問題就是明白並不等於學懂!在黑板的教育制度下很多人將學習理解成把知識或者理論,從自身角度體驗一次,便算明白了。而這樣,並未能體現最初智慧的邏輯與本質,令學習的過程本身就成為了一個阻礙進步的框架。如果將理論的層面形容成基本思考的框架模式,而實際發揮的時候能夠融會貫通的運用,視為一種精神層面的能量流動,事情就變得直接了。究竟你學習的目的是學來用,還是用來學。

用pilates作為治療途徑亦都一樣,好多人明白Pilates有治療的效果, 但是究竟是怎樣治療,很多教練都未能夠弄清楚。因為在流傳的過程中就已經流失了很多本身的精粹。筆者認為Pilates治療的精髓在於把能量注入受傷患的關節。若然問題處理好了 必須要練習把Pilates的修煉加以發揮。正如上山修行 ,都要下山實淺。懂了,就要用;用不了,重頭再來。身體也好,思想也好,若然自命懂了卻用不出來,倒不如糊塗一點。

326C0C65-44D7-45B3-8DCE-3EE8624F55C9.JPG

第八回 - 訓練之動機

32776DA2-5045-44A7-85E9-4202975FEED0.jpg

唔知大家對於做運動 有咩目的呢?強身健體、挑戰自己、競技、瘦身、平衡生活節奏等等⋯ 呢一個係值得大家思考嘅問題;若然你係為咗強身健體而運動,但係選擇運動嘅時候選擇一啲好玩刺激為先決條件,運動嘅結果並未一定能夠達到強身健體嘅效果。打個比方全日坐Office用電腦嘅上班族、或者需要企喺度一整天嘅銷售員, 用放工後僅餘嘅時間做高強度嘅拳擊訓練或者負重訓練,結果可能係換來關節嘅痛症,或者寒背帶來的肩頸痛;當然出一身汗點都會帶來的快感,但係日積月累身體嘅負擔將會帶來傷患。感覺以前嘅人越運動越健康, 現代人越係運動越發現問題。所以運動嘅時候必須要了解你嘅動機再去選擇合適嘅運動。

有啲運動比較靜態同個人,例如瑜伽、Pilates、太極等等⋯ 感覺上係唔會連傷人的,但係其實了解訓練嘅動機同樣重要;你要搞清楚你係用嚟練,定一話係練來用:用嚟練嘅話 ,你係享受做嘅過程;練嚟用嘅話,你必須要搞清楚你能能夠練得出佢嘅真意。好多人練瑜伽,越練越無力,因為過度嘅伸展令到身體冇辦法發揮筋膜嘅彈性,呢個唔係瑜伽嘅問題,係練嗰個人嘅問題。 有啲人過緊所以痛, 伸展可以舒緩痛楚;有啲人太鬆發唔到力,欠缺支撐所以痛,繼續拉筋只會更加痛,呢個就係練來用嘅話,你必須要搞清楚嘅事情。

段練身體一啲都唔複雜,從個人修練出發,對着鏡子,眼睛所見、身體所發、 意識所感 若是一致的話,訓練必然達致更高層次!

 

8EC6CDF5-5BD8-4059-ADD1-52539A7197CF.jpg

第七回:核心外圍以致核心價值之核心訓練

080770FC-23C3-4A90-8C7A-0A9797D4E77E.JPG

 核心訓練 core training, 相信大家都不陌生,今日我哋又暢談一下所謂核心訓練嘅核心價值以致於核心嘅外圍。每一個訓練總有佢嘅目標,就以核心訓練為例,究竟係用嚟練定係練嚟用呢?兩者係有好明確嘅分別首先你必須要搞清楚,前者係你想keep住有運動但係就唔知做乜好,咁就揀一種方法來練;你選擇嘅原因可能係型 或者有朋友陪 或者好玩 或者方便 反正就係選擇一種訓練方法 呢啲就為之用嚟練。但若然你係練嚟用呢,你嘅訓練就存在一個目的性!訓練嘅目的可以係練嚟睇 (例如練出八舊腹肌人魚線等等);或者係真心練習來用(提升運動能力,例如揮拍時的有效能力、打高爾夫球的精準度,腰盤穩定性等等)呢個就係我想講嘅核心訓練之核心外圍同埋核心價值嘅分別。

 

何謂核心 ,你可以嘗試理解為身體能量嘅核心,用能量並不是力量來解釋其實更為恰當,因為力量流於肌肉,而能量關係與骨骼結構、筋膜連繫、神經反應等等互相協調之流動。好多人將腹部運動訓練視為核心訓練,雖然沒有錯,因為呢啲動作都可以訓練到核心肌肉,但係若然訓練嘅過程,過分着重於目標肌肉收緊的感覺,極其量就係核心嘅外圍;核心訓練之核心價值在於身體整體放鬆,在不驚動關節收緊的狀態底下,以核心能量帶動四肢活動,從而牽引脊椎與盆骨在不被擺動,不被拉緊的狀態底下,保持穩定力量的輸出完成動作。在整合的狀態下,盆骨與肩胛骨必然達致穩定的狀態,所謂上下相隨,呢個就係做到如何放鬆肩胛出拳,揮桿,揮拍的秘訣。

 

上乘的修練在於心法不拘於方法。只要用好的能量任何形式訓練都有矯治效果。就好似時下流行嘅身心靈治療方法一樣,只要意識達到,音樂、插花、活動、園藝、藝術皆可治療心靈。 

 

42083416-8303-479C-8E6D-C5E16E09B785.JPG

第六回: 行動記錄儀

咩係行動記錄儀呢? 顧名思義就係將你每日嘅行動記錄當中嘅儀器。 其實每個人身上都有一個行動記錄儀, 就係你條脊椎!脊椎是一個推進器, 亦是一個記錄儀; 你嘅生活習慣、運動模式、 傷患以及處理方法. 其實都記錄係脊椎上邊 .

閱讀紀錄有方法。清除記錄亦有方法 。

先從閱讀記錄講起 :打個譬如 ,一個車房學士檢查汽車嘅方法 ,會從結構形狀檢查開始, 睇吓條中軸有冇彎、 基本零件有冇老化、 漏油或者螺絲鬆緊,呢一啲係表徵 ;相比一個經驗老到的tune車師傅, 一開始揸吓你架車, 絕對可以閱讀到你嘅駕駛習慣、 揸車脾氣、 甚至係架車行過嘅路面,從機件精神程度以及輪呔耗損形態,推測耗損狀況; 甚至乎建議駕駛者改變駕駛習慣。可謂聽聲都知你有冇立油。

本人對於汽車 其實沒有太大研究,我想講嘅係閱讀脊椎要了解嘅, 唔單單係一張X光片,或者MRI ,因為脊椎所記錄嘅不單係結構上嘅問題; 城市人更加多嘅係習慣性或者姿勢性嘅問題 。簡單嘅例子就係,一個有脊椎問題嘅人,如果長期依賴脊醫而欠缺自身脊椎訓練,佢條脊椎望落去好似直但係好bumpy,當發力嘅時候, 力係不對位的;一個長期繃緊嘅人,只靠拉筋,烏低身可能掂到地,但係脊椎弧度是不平均的, 痛症依然存在。比較容易理解嘅係 ,好多人一個星期幾日瑜伽, 但依然覺得自己好緊,身邊筋骨緊嘅人好難理解,明明你個鼻都掂到自己膝頭,點解你仲覺得緊? 其實一條繃緊嘅橡筋會覺得緊; 一條鬆弛了沒有彈性的橡筋同樣會覺得緊! 能夠清除紀錄,就能夠煥然一新!下次再講⋯

 

第五回: 淺談脊柱問題 (一)

當你要令一樣嘢系統化,有時難免會過分拘泥於形式;身邊間唔中都會出現呢啲情況,例如脊椎問題嘅範疇裏面,你會聽過好多形容脊椎問題嘅名詞,例如:寒背、脊柱側彎、頸椎或腰椎過直或者過彎等等⋯⋯ 其實佢哋背後想講嘅,只不過係形容一條脊椎嘅形狀。佢哋嘅形成過程可能會有少少分別,但係極其量其實就係一條脊椎喺唔同嘅位置上邊,弧度出現小小唔正常。如果你想處理好呢一啲嘅問題,首先你要對佢哋有一個基本嘅了解:脊椎形狀上面嘅問題,並唔係好似其他疾病咁嘅樣理解,唔同疾病有唔同細菌或者病毒引致;脊柱問題撇除天生骨格變形,或者意外撞擊變形基本上是由於不平均的力引致。

有啲動物佢哋永遠都唔會出現脊柱側彎,例如魚、蛇⋯⋯ 因為佢哋嘅活動,就是透過脊椎牽引。脊椎並不是一條固定的柱!而是一節一節脊椎連接而成的,本身有很強的活動能力!有如一條繩子一樣,可以理解成你將一條繩,擺彎曲少少就話佢側彎、或者過直,其實係有少少牽強。脊柱問題只不過係現代人太少活動脊椎,令佢冇辦法平均發力,繼而產生的弧度問題或是旋轉問題!

脊柱,簡單來講就係一節一節脊椎,由椎間韌帶所連接,每節中間有軟骨作為緩衝。本身具備延伸力,但當你長時間冇令佢伸展,就會開始產生一啲姿勢性嘅問題,繼而椎間韌帶嘅拉力開始唔平均,就會產生形狀上邊嘅彎曲,例如寒背、脊柱側彎等等。但係脊椎本身係能夠自己撐直的,就好似貓伸懶腰一樣;一條彎曲左嘅繩子,只要能夠前後一拉,自然變直!但係呢一個拉力必須要由自身發出!這一種撐直的力量是與生俱來的,佢同時避免咗你發生椎間神經受壓等問題。 

西方醫學呢一方面嘅根基在於解剖學:骨格與肌肉拉伸角度與力量嘅基礎上面;其實是有一個漏洞的,就是生物在活動中是無法解剖,而且科技亦都未發展到能夠係人𥚃邊裝上無數嘅壓力sensor監察脊椎運動,再同發力完善的人作比對。所以最常見嘅例如脊醫、物理治療師,佢哋呢一方面嘅治療出發點,並沒有從力去解決問題,其實是一種很被動的做法,所以很多時未能做到根治問題。力所產生嘅問題必須要有力所能夠解決。 

如何喚醒你已經沉睡咗嘅脊椎力量呢 我哋下回繼續。

第四回: 運動作業者之語言與運動矯治

每一門學問,都會有佢自己嘅語言作為溝通嘅方法,同時表達佢嘅邏輯;例如牛頓力學所表達的概念,令你可以從一件物體移動嘅模式,計算到佢所用嘅力量,同埋受力嘅地方與角度;但當去到一啲複合性比較高嘅計算時候,好多時你會用能量;譬如流體力學,你會用能量為單位把壓力、溫度、流體特性等⋯⋯好多元素計算埋一齊。 

其實運動矯治亦都一樣,絕大部分人嘅傷患其實都不是先天或是嚴重撞擊引致;普遍都係有錯誤姿勢所引致。簡單嚟講,就係身體發力嘅唔平均,日子有功,慢慢產生咗一啲movement上嘅缺憾;令身體嘅關節未能夠喺放鬆嘅狀態底下,將佢可活動嘅範圍發揮出來。初頭身體嘅反應可能只係一啲肌肉嘅繃緊或者柔韌度不足,呢個係身體保護自己嘅機制;繼而產生嘅就會開始係有啲痛或者係一啲關節僵硬。 

當你身體嘅重心偏移,或者發力嘅時候力量並不整合,其中關節必然承受著一啲不必要嘅壓力,或者處於繃緊嘅狀態。你可以理解成關節裏面慢慢積聚唔好嘅能量;根本解決問題嘅辦法,就係將唔好嘅能量釋放出嚟,再注入好嘅能量。

簡單嘅比喻就係:兩架載貨嘅貨車,一架行咗好多年,狀態度良好;一架就好快出現機件老化同埋退化嘅問題;呢個唔係貨車出廠嘅問題,可以係由於司機嘅駕駛習慣,又或者有冇將貨物重量平均分配好,令到四個轆與及車軸受力平均;當貨物分配重力不平均,令到貨車行唔到直線,而司機又唔去包好啲貨物,只係靠揸緊個軚盤,強行去行直線的時候;柏油路由自可,當行山路、轉急彎時車軸與車架所承受的壓力,必然令佢提早老化。人嘅骨骼亦都一樣,當你嘅重心偏移,強行用關節嘅力量去修正,就會令關節積聚唔好嘅能量;呢啲就係姿勢性嘅問題,只要能夠修正重心與及力,問題就能夠迎刃而解!

所以有效嘅運動矯治,必然有能量治療嘅元素!Pilates 的Flow 也就是core 釋放的能量,從核心經由盤骨脊柱,流向四肢,再接上Reformer 的彈弓,互相牽引著的過程。

第三回: 運動的本質

DSCF0841.JPG

有幸生活在國泰民安嘅時代,其實真係值得感恩!尤其是喺香港物質豐富,互聯網資訊爆棚,感恩之餘都要記得反省下,究竟感恩緊啲乜嘢!?


昨日食午飯,聽到隔離位嗰個話自己有選擇困難症, 其實我聽過好多人都話自己有選擇困難症, 但係你有冇諗過選擇困難其實未必係人嘅問題,而根本就係社會環境嘅問題。


讀書嘅時候行入文具鋪,買支中華牌鉛筆,最多都係揀紅色定係黃色;又或者買支百樂牌原子筆,嚟嚟去去都係嗰兩個款,根本就唔會選擇困難;行入茶記,快餐、常餐、扒餐, 未行入去都知道自己想食啲乜。依家行入書局藍色原子筆都三四十個款畀你揀,有趣嘅係無論你揀邊一支,本質上其實冇咩分別;今日食晏嗰間快餐,閒閒地有30樣餸畀你揀,其實遠超於你嘅需要。商業模式令你需要選擇嘅時候,並不是出於你嘅本質或者需要,而係為選擇而選擇,其實好難怪人會好無厘頭咁迷失咗,自以為自己有選擇困難!

日日喺呢一個商業模式導向嘅社會環境底下,其實好難冇精神壓力,有啲人會選擇以旅遊或者禪修之類方式來減壓
。雖然我唔係一個旅遊或者禪修嘅專家,但係我好肯定佢哋嘅本質不是用來減壓,應該係一種生命嘅追求。

至於身體嘅壓力啦,最直接嘅方法,就係用運動。我工作附近嘅環境,閒閒地二三十間運動中心 各有各精彩,而大多數想做運動嘅城市人,都會覺得有選擇困難。有啲又有型啲,有啲就偏門啲 。其實,多數人一星期都係做幾個鐘頭運動, 不如考慮一下,食完飯落街散20分鐘步,星期六日到郊外走走,放工後如果覺得身體真係好繃緊,放鬆平放喺地板上面20分鐘,可能更加來得實際。畢竟運動嘅本質,不是用來製造話題 而係你生活上必須的。

調節好生活節奏,身心靈嘅平衡,再追求運動帶畀你嘅話題性同額外刺激。一定慳番你唔少醫藥費,同埋時間!身體嘅嘢,行得正,先走得遠。

第二回:Pilates之學習要領

上回講到普拉提原本的名字是Contrology,但係由於佢流傳開嚟嘅時候大家都用Pilates的last name稱呼,因而命名。其實我覺得用返Contrology更為恰當,因為你可以從佢嘅名字大概了解佢係做啲乜,Pilates 呢個名就係有型啲,但係就令到好多人聽完個名都唔知係做乜嘢。

我覺得普拉提本身係一個身體運作嘅法則,形式上比較唔係一種獨立存在嘅運動,譬如打籃球、踢足球,只要你係拎住個籃球射緊籃甚至乎係拍緊波,你都可以叫做打緊籃球;又或者用腳踢下個足球你都叫做踢緊波,我唔能夠話你係打緊羽毛球或者做緊自由體操;但係練習普拉提呢,你必須要做到佢嘅神髓,先係練習普拉提。否則極其量只不過係喺reformer上面做緊某種有阻力嘅functional training又或者係拉筋,只係做緊普拉提動作個樣,但係練習唔出 普拉提,嘅核心價值。

 

究竟普拉提有乜嘢核心價值呢?必需要從佢嘅大原則講起,其中比較重要嘅包括:imagination, flow, centering, alignment, precision, isolation 等等。。。

你必須要 從呢一啲大原則為出發點開始練習。普拉提的動作只不過是一個媒介讓你實踐呢一啲大原則。動作本身是沒有意義的,佢只係提供一種參考,等你可以透過呢一啲movement 去實踐普拉提嘅原則,從而達致身體整合發力嘅訓練目標。

所以練習普拉提想要練得好,必須要有一個目的性,即係你為乜練Pilates,希望逹到什麼結果,例如修正姿勢,提升運動效能,又或者突破體育運動上的瓶頸位等等;沒有目的性,你嘅訓練模式將會變得死板,而進步緩慢。

西方社會嘅訓練模式比較著重系統化;而好多運動嘅推廣着眼點係著重普及化,所以形式上難免缺乏咗口傳身授呢一種特性。所以要練得好普拉提嘅神髓,就更加需要知道佢嘅本質,同埋訓練嘅根基。先可以事半功倍,達至一種治療性、強身健體嘅結果。

眼見好多人學習普拉提,純粹就係練習一個動作;其實大可以上youtube,一小時免費學二三十個動作不是夢。呢個亦都係我哋極少讓新同學上group class嘅原因。

第一回: Pilates之源起

JOSEPH PILATES 出生於1883年德國, 小時候患有哮喘,體弱多病,為咗強健身心,佢開始研究各樣嘅運動,尤其醉心於 古典希臘思想 認為人應達致身·心·靈 的平衡。亦由此奠定了他日後運動體係發展 的概念。長大後,他不再是體弱多病,更發展了他的運動事業,包括滑雪、潛水、健身、西洋拳擊,並於1912年 移居英國教授自衛術。

一次世界大戰爆發,他被派往德國在醫院裏工作。他整合了過去運動的研究和對身體的認知,在德國把他的訓練系統教授一起派往德國的士兵, 更把醫院裏面的病床改裝,加上彈弓,等行動不便 的傷患人士亦都能夠接受訓練。治療好了當時很多傷兵 當其時所改裝的工具變成了日後 大家見到的pilates 器械 例如reformer, wunda chair, cadillac 等等……

兵役結束後 JOE重回德國,他的運動法則 比舞蹈界所青睞,後來由於德軍邀請他繼續訓練軍隊,他就選擇離開了德國,並且於 1926年移居美國。

在美國開始了他自己的工作室 訓練了大批芭蕾舞運動員 他的運動理論 亦因此而廣泛流傳了 本來稱為 Contrology, 亦以他的性 改名為 Pilates.

圖片來自: http://icrapoport.com/a-day-with-joseph-pilates/